বান্দির ফুরি করিও নারে বিয়া ।
বিয়া করিয়া ঠেকিয়া আছইন হাছন রাজা মিয়া ।
বান্দির ফুরি বিয়া করিলা খেদমতের লাগিয়া ।
উবা উবা হারামজাদিয়ে দেয়রে আসিয়া ।
রাইত হইলে ঘুমাই থাকে পাও নাই ধুইয়া ।
পাও নাই ধোয় তারার সাত ছিড়ি ধরিয়া ।
আদব কায়দা কিছু নাই, তমিজ নাই জানে ।
বাপরে থইয়া পুতের দেখ কাপড় ধরিয়া টানে ।
মায়ে টানছে নানীয়ে টানছে টানছে সাত ছিড়ি ।
এখনেতে কেমনে তাই ছাড়বে গুড়াগুড়ি ।
হাছন রাজায় বলে বান্দি যে করিবে বিয়া ।
সুখ নাই হবে সুখ নাই হবে তার জনম ভরিয়া ।